Deinde : Orationes sive exorcismi Magni Basilij in obsessos dæmonibus, & quamlibet infirmitatem
Unus locus per paginam, in fundo obscuro. Tange imam partem ad progrediendum.
Exorcismus in satanam et angelos apostaticos
Clavibus : spatium ad progrediendum, sagitta sinistra ad redeundum, Esc ad exeundum.
Exorcismus in satanam et angelos apostaticos
Una manu orare
Tange inferiorem partem scrinii ut progrediaris.
Trahe ad sinistram: oratio sequens.
Trahe ad dexteram: oratio praecedens.
Modi
Gradus 6 ex 7
Exorcismus in satanam et angelos apostaticos
In nómine Patris, et Fílii, et Spíritus Sancti. Amen.
Ad S. Michaelem Archangelum Precatio
Princeps gloriosíssime cæléstis milítiæ, sancte Míchael Archángele, defénde nos in prœlio advérsus príncipes et potestátes, advérsus mundi rectóres tenebrárum harum, contra spirituália nequítiæ, in cæléstibus. Veni in auxílium hóminum; quos Deus ad imáginem similitúdinis suæ fecit, et a tyránnide diáboli emit prétio magno. — Te custódem et patrónum sancta venerátur Ecclésia; tibi trádidit Dóminus ánimas redemptórum in supérna felicitáte locándas. Deprecáre Deum pacis, ut cónterat sátanam sub pédibus nostris, ne ultra váleat captívos tenére hómines, et Ecclésiæ nocére. Offer nostras preces in conspéctu Altíssimi, ut cito antícipent nos misericórdiæ Dómini, et apprehéndas dracónem, serpéntem antíquum, qui est diábolus et sátanas, et ligátum mittas in abýssum, ut non sedúcat ámplius gentes.
Exorcismus
In nómine Jesu Christi Dei et Dómini nostri, intercedénte immaculáta Vírgine Dei Genetríce María, beáto Michaéle Archángelo, beátis Apóstolis Petro et Paulo et ómnibus Sanctis, ad infestatiónes diabólicæ fraudis repelléndas secúri aggrédimur.
Psalmus 67
Exsúrgat Deus, et dissipéntur inimíci ejus, et fúgiant qui odérunt eum, a fácie ejus.
Sicut déficit fumus, defíciant: sicut fluit cera a fácie ignis, sic péreant peccatóres a fácie Dei.
Ecce Crucem Dómini, fúgite, partes advérsæ. Vicit Leo de tribu Juda, radix David. Fiat misericórdia tua, Dómine, super nos. Quemádmodum sperávimus in te.
Exorcizámus te, omnis immúnde spíritus, omnis satánica potéstas, omnis incúrsio infernális adversárii, omnis légio, omnis congregátio et secta diabólica, in nómine et virtúte Dómini nostri Jesu Christi, eradicáre et effugáre a Dei Ecclésia, ab animábus ad imáginem Dei cónditis ac pretióso divíni Agni sánguine redémptis . Non ultra áudeas, serpens callidíssime, decípere humánum genus, Dei Ecclésiam pérsequi, ac Dei eléctos excútere et cribráre sicut tríticum . Imperat tibi Deus altíssimus , cui in magna tua supérbia te símilem habéri adhuc præsúmis; qui omnes hómines vult salvos fíeri, et ad agnitiónem veritátis veníre. Imperat tibi Deus Pater ; ímperat tibi Deus Fílius ; ímperat tibi Deus Spíritus Sanctus . Imperat tibi Christus, ætérnum Dei Verbum caro factum , qui pro salúte géneris nostri tua invídia pérditi, humiliávit semetípsum factus obœ́diens usque ad mortem; qui Ecclésiam suam ædificávit supra firmam petram et portas ínferi advérsus eam numquam esse prævalitúras edíxit, cum ea ipse permansúrus ómnibus diébus usque ad consummatiónem sǽculi. Imperat tibi sacraméntum Crucis , omniúmque christiánæ fídei Mysteriórum virtus . Imperat tibi excélsa Dei Génetrix Virgo María , quæ superbíssimum caput tuum a primo instánti immaculátæ Conceptiónis in sua humilitáte contrívit. Imperat tibi fides sanctórum Apostolórum Petri et Pauli ceterorúmque Apostolórum . Imperat tibi Mártyrum sanguis, ac pia Sanctórum et Sanctárum ómnium intercéssio .
Ergo, draco maledícte et omnis légio diabólica, adjurámus te per Deum vivum, per Deum verum, per Deum sanctum, per Deum, qui sic diléxit mundum, ut Fílium suum unigénitum daret, ut omnis, qui credit in eum, non péreat, sed hábeat vitam ætérnam: cessa decípere humánas creatúras, eísque ætérnæ perditiónis venénum propináre: désine Ecclésiæ nocére et ejus libertáti láqueos injícere. Vade, sátana, invéntor et magíster omnis falláciæ, hostis humánæ salútis. Da locum Christo, in quo nihil invenísti de opéribus tuis: da locum Ecclésiæ uni, sanctæ, cathólicæ, et Apostólicæ, quam Christus ipse acquisívit sánguine suo. Humiliáre sub poténti manu Dei; contremísce et éffuge, invocáto a nobis sancto et terríbili Nómine Jesu, quem ínferi tremunt, cui Virtútes cælórum et Potestátes et Dominatiónes subjéctæ sunt; quem Chérubim et Séraphim indeféssis vócibus laudant, dicéntes: Sanctus, Sanctus, Sanctus Dóminus Deus Sábaoth.
Dómine, exáudi oratiónem meam. Et clamor meus ad te véniat.
Orémus
Deus cæli, Deus terræ, Deus Angelórum, Deus Archangelórum, Deus Patriarchárum, Deus Prophetárum, Deus Apostolórum, Deus Mártyrum, Deus Confessórum, Deus Vírginum, Deus qui potestátem habes donáre vitam post mortem, réquiem post labórem: quia non est Deus præter te, nec esse potest nisi tu, creátor ómnium visibílium et invisibílium, cujus regni non erit finis: humíliter majestáti glóriæ tuæ supplicámus, ut ab omni infernálium spirítuum potestáte, láqueo, deceptióne et nequítia nos poténter liberáre, et incólumes custodíre dignéris. Per Christum, Dóminum nostrum. R. Amen.
Ab insídiis diáboli, líbera nos, Dómine.
Ut Ecclésiam tuam secúra tibi fácias libertáte servíre, te rogámus, audi nos.
Ut inimícos sanctæ Ecclésiæ humiliáre dignéris, te rogámus, audi nos.
Et aspergatur locus aqua benedicta.
Fons : Rituale Romanum Pauli V Pontificis Maximi jussu editum aliorumque Pontificum cura recognitum atque auctoritate Ssmi D. N. Pii Papae XI ad normam Codicis Juris Canonici accommodatum, editio prima juxta typicam, Fridericus Pustet, Ratisbonae, 1925, tit. XI, cap. 3, p. 354-357 (forme pour les fidèles : passages réservés au prêtre placés entre crochets, rubriques entre parenthèses de l’éditeur)
Notae et fontes
De hac oratione
Exorcismus Leonis XIII in Rituali Romano receptus, hic in forma pro fidelibus, omissis verbis quae sacerdoti propria sunt.

(Fideles in periodo quae sequitur omittunt verba « et sacra ministerii nostri auctoritate confisi », quae sacerdotibus reservantur.)
[et sacra ministérii nostri auctoritáte confísi,]
(Fideles omittunt versum « Dominus vobiscum » cum responsorio, ministro ordinato reservatum.)
[Dóminus vobíscum. Et cum spíritu tuo.]
Fontes
Fons : Rituale Romanum Pauli V Pontificis Maximi jussu editum aliorumque Pontificum cura recognitum atque auctoritate Ssmi D. N. Pii Papae XI ad normam Codicis Juris Canonici accommodatum, editio prima juxta typicam, Fridericus Pustet, Ratisbonae, 1925, tit. XI, cap. 3, p. 354-357 (forme pour les fidèles : passages réservés au prêtre placés entre crochets, rubriques entre parenthèses de l’éditeur)
- Rituale Romanum Pauli V Pontificis Maximi jussu editum aliorumque Pontificum cura recognitum atque auctoritate Ssmi D. N. Pii Papae XI ad normam Codicis Juris Canonici accommodatum, editio prima juxta typicam, Fridericus Pustet, Ratisbonae, 1925, tit. XI, cap. 3, p. 354-357 (forme pour les fidèles : passages réservés au prêtre placés entre crochets, rubriques entre parenthèses de l’éditeur)
Collationné sur le scan, p. 354-357, le 2026-11-17